SP0260010: sanatkumaara uvaaca|
SP0260011: eva.m nandii"svaro vyaasa utpanno .anucara"sca ha|
SP0260012: abhavaddevadevasya senaapatye .abhi.secita.h||1
SP0260020: vyaasa uvaaca|
SP0260021: devyaa sahaatha bhagavaanaasiinastatra kaamada.h|
SP0260022: akarotki.m mahaadeva etadicchaami veditum||2
SP0260030: sanatkumaara uvaaca|
SP0260031: bhagavaanhimavacch.r"nge "sarvo devyaa.h priyepsayaa|
SP0260032: ga.ne"sairvividhaakaarairhaasa.m sa.mjanayanmuhu.h||3
SP0260041: devii.m baalendutilako raamayacca raraama ca|
SP0260042: mahaanubhaavai.h sarvaj~nai.h kaamaruupadharai.h "subhai.h||4
SP0260051: atha devyaasasaadaikaa maatara.m parame"svarii|
SP0260052: aasiinaa.m kaa~ncane "subhre aasane paramaarcite||5
SP0260061: atha d.r.s.tvaa satii.m deviimaagataa.m tu suruupi.niim|
SP0260062: aasanena mahaarhe.na sampaadayadaninditaam||6
SP0260071: aasiinaa.m taa.m ca sovaaca menaa himavata.h priyaa|
SP0260072: cirasyaagamana.m hyadya tava putri "subhek.sa.ne|
SP0260073: daridrakrii.danaistva.m hi bhartraa krii.dasi sa.mgataa||7
SP0260081: ye daridraa bhavanti sma tathaiva ca niraa"srayaa.h|
SP0260082: ume ta eva.m krii.danti yathaa tava pati.h "subhe||8
SP0260090: sanatkumaara uvaaca|
SP0260091: saivamuktaa tu maatraatha naatih.r.s.tamanaabhavat|
SP0260092: mahatyaak.samayaa yuktaa na ki.mcittaamuvaaca ha||9
SP0260101: vis.r.s.taa saa tadaa maatraa gatvaa devamuvaaca ha|
SP0260102: bhagavandevadeve"sa neha vatsyaami bhuudhare|
SP0260103: anya.m v.r.nu mamaavaasa.m bhuvane"sa mahaadyute||10
SP0260110: deva uvaaca|
SP0260111: sadaa tvamucyamaanaa vai mayaa vaasaarthamii"svari|
SP0260112: anyatra rocitavatii naavaasa.m devi karhicit||11
SP0260121: idaanii.m svayameva tva.m vaasamanyatra "sobhane|
SP0260122: kasmaanm.rgayase devi bruuhi tanme "sucismite||12
SP0260130: devyuvaaca|
SP0260131: g.rha.m gataaha.m deve"sa pituradya mahaatmana.h|
SP0260132: d.r.s.tvaa ca me tatra maataa vijane lokabhaavanii||13
SP0260141: aasanaadibhirabhyarcya saa maamevamabhaa.sata|
SP0260142: ume tava sadaa bhartaa daridrakrii.danai.h "subhe|
SP0260143: krii.date na hi devaanaa.m krii.daa bhavati taad.r"sii||14
SP0260151: yatkila tva.m mahaadeva ga.ne"sairvividhai.h "subhai.h|
SP0260152: ramase tadani.s.ta.m hi mama maaturv.r.sadhvaja||15
SP0260160: sanatkumaara uvaaca|
SP0260161: tato deva.h prahasyaaha devii.m haasayitu.m prabhu.h|
SP0260162: evametanna sa.mdeha.h kasmaanmanyurabhuuttava||16
SP0260171: k.rttivaasaa hyavaasaa vaa "sma"saananilaya"sca ha|
SP0260172: aniketo hyara.nye.su parvataanaa.m guhaasu ca|
SP0260173: vicaraami ga.nairnagnairv.rto .ambhojavilocane||17
SP0260181: maa krudho devi maatustva.m tathya.m maataavadattava|
SP0260182: na hi maat.rsamo bandhurjantuunaamasti "sobhane||18
SP0260190: devyuvaaca|
SP0260191: na me .asti bandhubhi.h ki.mcitk.rtya.m suravare"svara|
SP0260192: tathaa kuru mahaadeva yathaanyatra vasaamahe||19
SP0260200: sanatkumaara uvaaca|
SP0260201: sa evamukto deve"so devyaa deve"svara.h prabhu.h|
SP0260202: paar"svastha.m ga.napa.m praaha nikumbha.m naama vi"srutam||20
SP0260211: ga.ne"svara nikumbha tva.m gatvaa vaaraa.nasii.m "subhaam|
SP0260212: "suunyaa.m kuru mahaabaaho upaayenaiva maa balaat||21
SP0260221: tatra raajaa nivasati divodaasa.h prataapavaan|
SP0260222: dhaarmiko mama bhakta"sca mahaayogii mahaabala.h||22
SP0260231: sa tva.m tathaa gata.h kuryaa yathaasmai naaparaadhyase|
SP0260232: tasyaiva caaparaadhena "suunyaa.m vaaraa.nasii.m kuru||23
SP0260240: sanatkumaara uvaaca|
SP0260241: sa evamuktastejasvii nikumbho ga.nasattama.h|
SP0260242: uvaaca deva.m pra.nata.h praa~njalirh.r.sitaanana.h||24
SP0260251: tathaa kari.sye deve"sa yathaa sa hi naraadhipa.h|
SP0260252: bhavi.syatyaparaadhii"sa tva.m ca tu.s.to bhavi.syasi|
SP0260253: "suunyaa vaaraa.nasii caiva bhavi.syati na sa.m"saya.h||25
SP0260260: sanatkumaara uvaaca|
SP0260261: evamuktvaa nikumbho .asau pra.namya "sirasaa haram|
SP0260262: jagaama pu.nyaa.m loke.su purii.m vaaraa.nasii.m prabhu.h||26
SP0260271: tatraasau dar"sana.m svapne naapitaaya dadau ga.na.h|
SP0260272: ma.n.duukaak.saaya ruupa.m ca sva.m tasyaadar"sayattadaa||27
SP0260280: nikumbha uvaaca|
SP0260281: ma.n.duukaak.sa nikumbho .aha.m ga.napa.h "sokanaa"sana.h|
SP0260282: tavaanugrahak.rtpraapto yadbraviimi kuru.sva tat||28
SP0260291: divodaasag.rhadvaari kuru.sva tva.m mamaalayam|
SP0260292: sthaapayasva ca tatraarcaa.m madruupasad.r"sii.m "subhaam||29
SP0260301: vitta.m ca te pradaasyaami putraansaubhaagyameva ca|
SP0260302: priyatva.m caiva sarvatra gati.m caanuttamaa.m puna.h||30
SP0260310: sanatkumaara uvaaca|
SP0260311: evamukto nikumbhena naapito n.rpati.m tadaa|
SP0260312: gatvaavadaddivodaasamindravaivasvatopamam||31
SP0260320: naapita uvaaca|
SP0260321: svaami.mstava g.rhadvaari kari.sye ga.napaalayam|
SP0260322: sthaapayi.sye ga.ne"sa.m ca tanme .anuj~naatumarhasi||32
SP0260331: tatheti so .apyanuj~naata"scakre tatra tadaalayam|
SP0260332: pratyasthaapayadarcaa.m ca yaad.r"sii.m d.r.s.tavaanasau||33
SP0260341: tasya puujaa.m ca mahatii.m praavartayata "sobhanaam|
SP0260342: ga.ne"sasya mahaasattva.h sa ca taa.m pratyag.rh.nata||34
SP0260351: sa tasmai karma.naa tena vitta.m yadyatsamiihitam|
SP0260352: pa"suu.m"scaiva hi putraa.m"sca saubhaagya.m caadadatprabhu.h||35
SP0260361: tasya taa.m v.rddhimatulaa.m naapitasyaabhiviik.sya tu|
SP0260362: aariraadhayi.surlokastasya puujaa.m cakaara ha||36
SP0260371: cakruryaatraastathaa kecidupavaasaa.mstathaapare|
SP0260372: homa.m japya.m tathaivaanye puujaa.m caanye varaarthina.h|
SP0260373: upahaaraa.mstathaivaanye giitan.rtta.m tathaapare||37
SP0260381: tebhyastathaabhyupetebhyo nikumbha.h sa mahaaya"saa.h|
SP0260382: dadau sarvaanabhipraayaanye ye te.saamabhiipsitaa.h||38
SP0260391: eva.m ta.m kaamada.m j~naatvaa divodaaso n.rpastadaa|
SP0260392: uvaaca mahi.sii.m vyaasa kadaacitputralipsayaa||39
SP0260401: devi sarvaanabhipraayaa~njanebhyo .aya.m prayacchati|
SP0260402: ga.ne"svara.m tvamapyenamapatyaartha.m prasaadaya||40
SP0260411: saivamuktaa tadaa gatvaa ga.ne"sa.m praapya "sobhanaa|
SP0260412: uvaaca bhagavandeva anapatyaahamii"svara||41
SP0260421: upavaasa.m kari.syaami tava devaabhiraadhane|
SP0260422: taavanna bhok.sye yaavanme varo .adattastvayaa prabho||42
SP0260431: jaate ca putre daasyaami "sataanaa.m da"satiirda"sa|
SP0260432: tvaamuddi"sya dvijaatibhyo godhenuunaa.m ga.ne"svara||43
SP0260441: tathaa gha.tasahasre.na dadhna"scaiva gh.rtasya ca| 
SP0260442: k.siirasya pa~ncagavyasya kari.sye snapana.m ca te||44
SP0260451: braahma.naanaa.m sahasraa.naa.m "sata.m caapi supuujitam|
SP0260452: purastaadbhojayi.sye te putre jaate na sa.m"saya.h||45
SP0260461: bahuundaasyati raajaa ca graamaandaasyastathaiva ca|
SP0260462: sadaa sattra.m ca puujaa.m ca kari.syati tava prabho||46
SP0260470: sanatkumaara uvaaca|
SP0260471: saa tamuktvaa tathaa vyaasa tasthau niyamamaasthitaa|
SP0260472: sopavaasaa tadaa puujaa.m mahatii.m tasya kurvatii||47
SP0260481: taa.m tathaa ti.s.thatii.m deva.h provaaca sa ga.ne"svara.h|
SP0260482: utti.s.tha naasti te putro maa kheda.m tva.m v.rthaa k.rthaa.h||48
SP0260491: eva.m tena ga.ne"sena nikumbhena mahaatmanaa|
SP0260492: asak.rtprocyamaanaa saa niyamaadviraraama ha||49
SP0260501: tato naraadhipa.m devii provaaca vimanaa tadaa|
SP0260502: aaryaputra na me putra.m ga.napo .asau prayacchati|
SP0260503: braviiti naasti te putro maa v.rthaa niyama.m k.rthaa.h||50
SP0260510: sanatkumaara uvaaca|
SP0260511: eva.m mahi.syaa sa prokta.h svayameva naraadhipa.h|
SP0260512: sadaa saniyamastasthau ga.ne"sasyaagrato n.rpa.h||51
SP0260521: tamapyuvaaca n.rpati.m nikumbho niyamasthitam|
SP0260522: maa sthaa v.rtheha n.rpate na te putra.m dadaamyaham||52
SP0260531: evamukta.h sa raajendro nikumbhena mahaabala.h|
SP0260532: krodharaktek.sa.na.h praaha tamutthaaya ga.ne"svaram||53
SP0260540: raajovaaca|
SP0260541: ga.no vaa tva.m pi"saaco vaa bhuuto vaa raak.saso .api vaa|
SP0260542: k.rtaghnastva.m na sa.mdeho na tva.m puujaamihaarhasi||54
SP0260551: mama caiva g.rhadvaari paurai"scaiva samarcita.h|
SP0260552: vi.saye mama vaasii ca na ca putra.m prayacchasi||55
SP0260561: puujaarho na bhavaa.mstasmaanmatto da.n.da.m tvamarhasi|
SP0260562: n.r"sa.msa"scaavalipta"sca ni.s.thuro matsaraanvita.h||56
SP0260571: tato .asya bhedayaamaasa nilaya.m gajayuuthapai.h|
SP0260572: stha.n.dila.m ca babha~njaa"su dadaahaarcaa.m ca suprabhaam||57
SP0260581: nikumbho .api k.rtaartha.h sannaakaa"se sa.msthita.h prabhu.h|
SP0260582: uvaaca ta.m divodaasa.m pradahanniva tejasaa||58
SP0260591: yathe.s.ta.m samprayacchanti devaa varamabhiipsitam|
SP0260592: na datto yadyasau kopa.h kastatra bhavato .abhavat||59
SP0260601: yasmaanmamaalayo bhagnastvayaa nirapakaari.na.h|
SP0260602: tasmaadvar.sasahasra.m te purii "suunyaa bhavi.syati||60
SP0260610: sanatkumaara uvaaca|
SP0260611: sa evamuktvaa raajaana.m nikumbha.h paramaatmavaan|
SP0260612: deve"saaya nivedyaiva.m tasthau paar"svagata.h prabho.h||61
SP0260621: raajaapi tasya vaakyena tathyenaarthena caiva hi|
SP0260622: vrii.daa.m paraa.m samaasaadya g.rhaanabhyaagamattadaa||62
SP0260631: atha saa tena "saapena purii vaaraa.nasii tadaa|
SP0260632: "suunyaa samabhavatk.sipra.m vi"suddhaa m.rgasevitaa||63
SP0260641: taa.m tu "suunyaa.m sa vij~naaya devyaa saha pinaakadh.rk|
SP0260642: saga.no nandinaa saardhamaajagaama mahaadyuti.h||64
SP0260651: sa tatra maanasa.m divya.m vimaana.m suuryavarcasam|
SP0260652: anaupamyagu.na.m devo manasaivaabhinirmime||65
SP0260661: na me prabhavati praj~naa k.rtsna"sastanniruupa.ne|
SP0260662: etaavacchakyate vaktumanaupamyagu.na.m hi tat||66
SP0260671: devodyaanaani ramyaa.ni nandanaadyaani yaani tu|
SP0260672: tebhya.h "sre.s.thatama.m "sriimadudyaanamas.rjatprabhu.h||67
SP0260681: tasminvimaane giriraajaputrii sarvarddhiyukte vacasaamagamye|
SP0260682: reme navendiivaraphullanetraa devii na sasmaara vaca"sca maatu.h||68
SP0269999: iti skandapuraa.ne 
SP0269999: .sa.dvi.m"so .adhyaaya.h||