SP0090010: sanatkumaara uvaaca| 
SP0090011: te d.r.s.tvaa devadeve"sa.m sarve sabrahmakaa.h suraa.h| 
SP0090012: astuvanvaagbhiri.s.taabhi.h pra.namya v.r.savaahanam|| 
SP0090020: pitaamaha uvaaca| 
SP0090021: nama.h "sivaaya somaaya bhaktaanaa.m bhayahaari.ne| 
SP0090022: nama.h "suulaagrahastaaya kama.n.daludharaaya ca|| 
SP0090031: da.n.dine niilaka.n.thaaya karaalada"sanaaya ca| 
SP0090032: tretaagnidiiptanetraaya trinetraaya haraaya ca|| 
SP0090041: nama.h pinaakine caiva namo .astva"sanidhaari.ne| 
SP0090042: vyaalayaj~nopaviitaaya ku.n.dalaabhara.naaya ca|| 
SP0090051: nama"scakradharaayaiva vyaaghracarmadharaaya ca| 
SP0090052: k.r.s.naajinottariiyaaya sarpamekhaline tathaa|| 
SP0090061: varadaatre ca rudraaya sarasvatiis.rje tathaa| 
SP0090062: somasuuryark.samaalaaya ak.sasuutrakaraaya ca|| 
SP0090071: jvaalaamaalaasahasraaya uurdhvali"ngaaya vai nama.h| 
SP0090072: nama.h parvatavaasaaya "sirohartre ca me puraa|| 
SP0090081: haalaahalavinaa"saaya kapaalavaradhaari.ne| 
SP0090082: vimaanavaravaahaaya janakaaya mamaiva ca| 
SP0090083: varadaaya vari.s.thaaya "sma"saanarataye nama.h|| 
SP0090091: namo narasya kartre ca sthitikartre nama.h sadaa| 
SP0090092: utpattipralayaanaa.m ca kartre sarvasahaaya ca|| 
SP0090101: .r.sidaivatanaathaaya sarvabhuutaadhipaaya ca| 
SP0090102: "siva.h saumya"sca deve"sa bhava no bhaktavatsala|| 
SP0090110: sanatkumaara uvaaca| 
SP0090111: brahma.nyathaiva.m stuvati devadeva.h sa lokapa.h| 
SP0090112: uvaaca tu.s.tastaandevaan.r.sii.m"sca tapasaidhitaan|| 
SP0090121: tu.s.to .asmyanena va.h samyaktapasaa .r.sidevataa.h| 
SP0090122: vara.m bruuta pradaasyaami suni"scintya sa ucyataam|| 
SP0090130: sanatkumaara uvaaca| 
SP0090131: atha sarvaanabhiprek.sya sa.mtu.s.taa.mstapasaidhitaan| 
SP0090132: dar"sanenaiva viprendra brahmaa vacanamabraviit|| 
SP0090140: brahmovaaca| 
SP0090141: yadi tu.s.to .asi deve"sa yadi deyo vara"sca na.h| 
SP0090142: tasmaacchiva"sca saumya"sca d.r"sya"scaiva bhavasva na.h|| 
SP0090151: sukhasa.mvyavahaarya"sca nitya.m tu.s.tamanaastathaa| 
SP0090152: sarvakaarye.su ca sadaa hita.h pathya"sca "sa.mkara.h|| 
SP0090161: saha devyaa sasuunu"sca saha devaga.nairapi| 
SP0090162: e.sa no diiyataa.m deva varo varasahasrada|| 
SP0090170: sanatkumaara uvaaca| 
SP0090171: evamukta.h sa bhagavaanbrahma.naa devasattama.h| 
SP0090172: svaka.m tejo mahaddivya.m vyas.rjatsarvayogavit|| 
SP0090181: ardhena tejasa.h svasya mukhaadulkaa.m sasarja ha| 
SP0090182: taamaaha bhava naariiti bhagavaanvi"svaruupadh.rk|| 
SP0090191: saakaa"sa.m dyaa.m ca bhuumi.m ca mahimnaa vyaapya vi.s.thitaa| 
SP0090192: upatasthe ca deve"sa.m diipyamaanaa yathaa ta.dit|| 
SP0090201: taamaaha prahasandevo devii.m kamalalocanaam| 
SP0090202: brahmaa.na.m devi varadamaaraadhaya "sucismite|| 
SP0090211: saa tatheti pratij~naaya tapastaptu.m pracakrame| 
SP0090212: rudra"sca taan.r.siinaaha "s.r.nudhva.m mama to.sa.ne| 
SP0090213: phala.m phalavataa.m "sre.s.thaa yadbraviimi tapodhanaa.h|| 
SP0090221: amaraa jarayaa tyaktaa arogaa janmavarjitaa.h| 
SP0090222: madbhaktaastapasaa yuktaa ihaiva ca nivatsyatha|| 
SP0090231: aya.m caivaa"srama.h "sre.s.tha.h svar.na"s.r"ngo .acalottama.h| 
SP0090232: pu.nya.m pavitra.m sthaana.m vai bhavi.syati na sa.m"saya.h|| 
SP0090241: mainaake parvate "sre.s.the svar.no .ahamabhava.m yata.h| 
SP0090242: svar.naak.sii.m caas.rja.m devii.m svar.naak.sa.m tena tatsm.rtam|| 
SP0090251: svar.naak.se .r.sayo yuuya.m .sa.tkuliiyaastapodhanaa.h| 
SP0090252: nivatsyatha mayaaj~naptaa.h svar.naak.sa.m vai tata"sca ha| 
SP0090253: samantaadyojana.m k.setra.m pavitra.m tanna sa.m"saya.h|| 
SP0090261: devagandharvacaritamapsaroga.nasevitam| 
SP0090262: si.mhebha"sarabhaakiir.na.m "saarduulark.sam.rgaakulam| 
SP0090263: anekavihagaakiir.na.m lataav.rk.sak.supaakulam|| 
SP0090271: brahmacaarii niyamavaa~njitakrodho jitendriya.h| 
SP0090272: upo.sya trigu.naa.m raatri.m caru.m k.rtvaa nivedya ca| 
SP0090273: yatra tatra m.rta.h so .api brahmaloke nivatsyati|| 
SP0090281: yo .apyevameva kaamaatmaa pa"syettatra v.r.sadhvajam| 
SP0090282: gosahasraphala.m so .api matprasaadaadavaapsyati| 
SP0090283: niyamena m.rta"scaatra mayaa saha cari.syati|| 
SP0090291: yaavatsthaasyanti lokaa"sca mainaaka"scaapyaya.m giri.h| 
SP0090292: taavatsaha mayaa devaa matprasaadaaccari.syatha|| 
SP0090301: eva.m sa taan.r.siinuktvaa d.r.s.tvaa saumyena cak.su.saa| 
SP0090302: pa"syataameva sarve.saa.m tatraivaantaradhiiyata|| 
SP0090310: sanatkumaara uvaaca| 
SP0090311: ya ima.m "s.r.nuyaanmartyo dvijaatii~nchraavayeta vaa| 
SP0090312: so .api tatphalamaasaadya carenm.rtyuvivarjita.h|| 
SP0090321: jayati jaladavaaha.h sarvabhuutaantakaala.h "samadamaniyataanaa.m kle"sahartaa yatiinaam| 
SP0090322: jananamara.nahartaa ce.s.tataa.m dhaarmikaa.naa.m vividhakara.nayukta.h khecara.h paadacaarii|| 
SP0090331: madanapuravidaarii netradantaavapaatii vigatabhayavi.saada.h sarvabhuutapracetaa.h| 
SP0090332: satatamabhidadhaana"scekitaanaatmacitta.h karacara.nalalaama.h sarvad.rgdevadeva.h|| 
SP0099999: iti skandapuraa.ne navamo .adhyaaya.h||