SP0050010: sanatkumaara uvaaca| 
SP0050011: tannaimi"sa.m samaasaadya .r.sayo diiptatejasa.h| 
SP0050012: divya.m sattra.m samaasanta mahadvar.sasahasrikam|| 
SP0050021: ekaagramanasa.h sarve nirmamaa hyanaha.mk.rtaa.h| 
SP0050022: dhyaayanto nityamii"se"sa.m sadaaratanayaagnaya.h|| 
SP0050031: tanni.s.thaastatparaa.h sarve tadyuktaastadapaa"srayaa.h| 
SP0050032: sarvakriyaa.h prakurvaa.naastameva manasaa gataa.h|| 
SP0050041: te.saa.m ta.m bhaavamaalak.sya maatari"svaa mahaatapaa.h| 
SP0050042: sarvapraa.nicara.h "sriimaansarvabhuutapravartaka.h| 
SP0050043: dadau sa ruupii bhagavaandar"sana.m sattri.naa.m "subha.h|| 
SP0050051: ta.m te d.r.s.tvaarcayitvaa ca maatari"svaanamavyayam| 
SP0050052: aasiinamaasane pu.nye .r.saya.h sa.m"sitavrataa.h| 
SP0050053: papracchurudbhava.m k.rtsna.m jagata.h pralaya.m tathaa|| 
SP0050061: sthiti.m ca k.rtsnaa.m va.m"saa.m"sca yugamanvantaraa.ni ca| 
SP0050062: va.m"saanucarita.m k.rtsna.m divyamaana.m tathaiva ca|| 
SP0050071: a.s.taanaa.m devayoniinaamutpatti.m pralaya.m tathaa| 
SP0050072: pit.rsarga.m tathaa"se.sa.m brahma.no maanameva ca|| 
SP0050081: candraadityagati.m sarvaa.m taaraagrahagati.m tathaa| 
SP0050082: sthiti.m sarve"svaraa.naa.m ca dviipadharmama"se.sata.h| 
SP0050083: var.naa"sramavyavasthaana.m yaj~naanaa.m ca pravartanam|| 
SP0050091: etatsarvama"se.se.na kathayaamaasa sa prabhu.h| 
SP0050092: divya.m var.sasahasra.m ca te.saa.m tadabhiyaattathaa|| 
SP0050101: atha divyena ruupe.na saamavaagdi"nniriik.sa.naa| 
SP0050102: yajurghraa.naatharva"siraa.h "sabdajihvaa "subhaa satii|| 
SP0050111: nyaaya"srotraa niruktatvag.rkpaadapadagaaminii| 
SP0050112: kaalabaahuurvar.sakaraa divasaa"ngulidhaari.nii|| 
SP0050121: kalaadibhi.h parvabhi"sca maasai.h kararuhaistathaa| 
SP0050122: kalpasaadhaara.naa divyaa "sik.saavidyonnatastanii|| 
SP0050131: chandovicitimadhyaa ca miimaa.msaanaabhireva ca| 
SP0050132: puraa.navistiir.naka.tirdharma"saastramanorathaa|| 
SP0050141: aa"sramoruurvar.najaanuryaj~nagulphaa phalaa"nguli.h| 
SP0050142: lokaveda"sariiraa ca romabhi"schaandasai.h "subhai.h|| 
SP0050151: "sraddhaa"subhaacaaravastraa yogadharmaabhibhaa.si.nii| 
SP0050152: vediimadhyaadvini.hs.rtya prav.rttaa paramaambhasaa|| 
SP0050161: tasyaante .avabh.rthe plutya vaayunaa saha sa.mgataa.h| 
SP0050162: taamap.rcchanta kaa nve.saa vaayu.m deva.m mahaadhiyam|| 
SP0050171: uvaaca sa mahaatejaa .r.siindharmaanubhaavitaan| 
SP0050172: "suddhaa.h stha tapasaa sarve mahaandharma"sca va.h k.rta.h|| 
SP0050181: yasmaadiya.m nadii pu.nyaa brahmalokaadihaagataa| 
SP0050182: iya.m sarasvatii naama brahmalokavibhuu.sa.naa|| 
SP0050191: prathama.m martyaloke .asminyu.smatsiddhyarthamaagataa| 
SP0050192: naasyaa.h pu.nyatamaa kaacittri.su loke.su vidyate|| 
SP0050200: .r.saya uucu.h| 
SP0050201: kathame.saa mahaapu.nyaa prav.rttaa brahmalokagaa| 
SP0050202: kaara.na.m ki.m ca tatraasiidetadicchaama veditum|| 
SP0050210: vaayuruvaaca| 
SP0050211: atra vo vartayi.syaami itihaasa.m puraatanam| 
SP0050212: brahma.na"scaiva sa.mvaada.m puraa yaj~nasya caiva ha|| 
SP0050221: yaj~nairi.s.tvaa puraa devo brahmaa diiptena tejasaa| 
SP0050222: as.rjatsarvabhuutaani sthaavaraa.ni caraa.ni ca|| 
SP0050231: sa d.r.s.tvaa diiptimaandevo diiptyaa paramayaa yuta.h| 
SP0050232: avek.samaa.na.h svaa/llokaa.m"scaturbhirmukhapa"nkajai.h|| 
SP0050241: devaadiinmanu.syaadii.m"sca d.r.s.tvaa d.r.s.tvaa mahaamanaa.h| 
SP0050242: amanyata na me .anyo .asti samo loke na caadhika.h|| 
SP0050251: yo .ahametaa.h prajaa.h sarvaa.h saptalokaprati.s.thitaa.h| 
SP0050252: devamaanu.satiryak.su grasaami vis.rjaami ca|| 
SP0050261: aha.m sra.s.taa hi bhuutaanaa.m naanya.h ka"scana vidyate| 
SP0050262: niyantaa lokakartaa ca na mayaasti sama.h kvacit|| 
SP0050271: tasyaiva.m manyamaanasya yaj~na aagaanmahaamanaa.h| 
SP0050272: uvaaca caina.m diiptaatmaa maiva.m ma.msthaa mahaamate| 
SP0050273: aya.m hi tava sa.mmoho vinaa"saaya bhavi.syati|| 
SP0050281: na yuktamiid.r"sa.m te .adya sattvasthasyaatmayonina.h| 
SP0050282: sra.s.taa tva.m caiva naanyo .asti tathaapi na ya"saskaram|| 
SP0050291: aha.m kartaa hi bhuutaanaa.m bhuvanasya tathaiva ca| 
SP0050292: karomi na ca sa.mmoha.m yathaa tva.m deva katthase|| 
SP0050301: tamuvaaca tadaa brahmaa na tva.m dhaarayitaa vibho| 
SP0050302: ahameva hi bhuutaanaa.m dhartaa bhartaa tathaiva ca| 
SP0050303: mayaa s.r.s.taani bhuutaani tvamevaatra vimuhyase|| 
SP0050311: athaagaattatra sa.mvigno veda.h paramadiiptimaan| 
SP0050312: uvaaca caiva tau vedo naitadevamiti prabhu.h|| 
SP0050321: aha.m "sre.s.tho mahaabhaagau na vadaamyan.rta.m kvacit| 
SP0050322: "s.r.nudhva.m mama ya.h kartaa bhuutaanaa.m yuvayo"sca ha|| 
SP0050331: parame"so mahaadevo rudra.h sarvagata.h prabhu.h| 
SP0050332: yenaaha.m tava datta"sca k.rtastva.m ca prajaapati.h|| 
SP0050341: yaj~no .aya.m yatprasuuti"sca a.n.da.m yatraasti sa.msthitam| 
SP0050342: sarva.m tasmaatprasuuta.m vai naanya.h kartaasti na.h kvacit|| 
SP0050351: tameva.mvaadina.m devo brahmaa vedamabhaa.sata| 
SP0050352: aha.m "srutiinaa.m sarvaasaa.m netaa sra.s.taa tathaiva ca|| 
SP0050361: matprasaadaaddhi vedastva.m yaj~na"scaaya.m na sa.m"saya.h| 
SP0050362: muu.dhau yuvaamadharmo vaa bhavadbhyaamanyathaa k.rta.h| 
SP0050363: praaya"scitta.m caradhva.m va.h kilbi.saanmok.syathastata.h|| 
SP0050371: evamukte tadaa tena mahaa~nchabdo babhuuva ha| 
SP0050372: aadityama.n.dalaakaaramad.r"syata ca ma.n.dalam| 
SP0050373: mahacchabdena mahataa upari.s.taadviyatsthitam|| 
SP0050381: sa caapi tasmaadvibhra.s.to bhuutala.m samupaa"srita.h| 
SP0050382: himavatku~njamaasaadya naanaavihaganaaditam| 
SP0050383: vyomaga"sca cira.m bhuutvaa bhuumiga.h sambabhuuva ha|| 
SP0050391: tato brahmaa di"sa.h sarvaa niriik.sya mukhapa"nkajai.h| 
SP0050392: caturbhirna viyatstha.m tamapa"syatsa pitaamaha.h|| 
SP0050401: sa mukha.m pa~ncama.m diiptamas.rjanmuurdhni sa.msthitam| 
SP0050402: tenaapa"syadviyatstha.m ta.m suuryaayutasamaprabham| 
SP0050403: aadityama.n.dalaakaara.m "sabdavadghoradar"sanam|| 
SP0050411: ta.m d.r.s.tvaa pa~ncama.m tasya "siro vai krodhaja.m mahat| 
SP0050412: sa.mvartakaagnisad.r"sa.m grasi.syattamavardhata|| 
SP0050421: vardhamaana.m tadaa tattu va.davaamukhasa.mnibham| 
SP0050422: diiptimacchabdavaccaiva devo .asau diiptama.n.dala.h|| 
SP0050431: hastaa"ngu.s.thanakhenaa"su vaamenaavaj~nayaiva hi| 
SP0050432: cakarta tanmahadghora.m brahma.na.h pa~ncama.m "sira.h|| 
SP0050441: diiptik.rtta"siraa.h so .atha du.hkhenosre.na caardita.h| 
SP0050442: papaata muu.dhacetaa vai yogadharmavivarjita.h|| 
SP0050451: tata.h suptotthita iva sa.mj~naa.m labdhvaa mahaatapaa.h| 
SP0050452: ma.n.dalastha.m mahaadevamastau.siiddiinayaa giraa|| 
SP0050460: brahmovaaca| 
SP0050461: nama.h sahasranetraaya "satanetraaya vai nama.h| 
SP0050462: namo viv.rtavaktraaya "satavaktraaya vai nama.h|| 
SP0050471: nama.h sahasravaktraaya sarvavaktraaya vai nama.h| 
SP0050472: nama.h sahasrapaadaaya sarvapaadaaya vai nama.h|| 
SP0050481: sahasrapaa.naye caiva sarvata.hpaa.naye nama.h| 
SP0050482: nama.h sarvasya sra.s.tre ca dra.s.tre sarvasya te nama.h|| 
SP0050491: aadityavar.naaya nama.h "sirasa"schedanaaya ca| 
SP0050492: s.r.s.tipralayakartre ca sthitikartre tathaa nama.h|| 
SP0050501: nama.h sahasrali"ngaaya sahasracara.naaya ca| 
SP0050502: sa.mhaarali"ngine caiva jalali"ngaaya vai nama.h|| 
SP0050511: anta"scaraaya sarvaaya prak.rte.h prera.naaya ca| 
SP0050512: vyaapine sarvasattvaanaa.m puru.saprerakaaya ca|| 
SP0050521: indriyaarthavi"se.saaya tathaa niyamakaari.ne| 
SP0050522: bhuutabhavyaaya "sarvaaya nitya.m sattvavadaaya ca|| 
SP0050531: tvameva sra.s.taa lokaanaa.m mantaa daataa tathaa vibho| 
SP0050532: "sara.naagataaya daantaaya prasaada.m kartumarhasi|| 
SP0050541: tasyaiva.m stuvata.h samyagbhaavena parame.na ha| 
SP0050542: sa tasmai devadeve"so divya.m cak.suradaattadaa|| 
SP0050551: cak.su.saa tena sa tadaa brahmaa lokapitaamaha.h| 
SP0050552: vimaane suuryasa.mkaa"se tejoraa"simapa"syata|| 
SP0050561: tasya madhyaattato vaaca.m mahatii.m sama"s.r.nvata| 
SP0050562: gambhiiraa.m madhuraa.m yuktaamatha sampannalak.sa.naam| 
SP0050563: vi"sadaa.m putra putreti puurva.m devena coditaam|| 
SP0050571: sa.msvedaatputra utpanno yattubhya.m niilalohita.h| 
SP0050572: yacca puurva.m mayaa proktastva.m tadaa sutamaarga.ne|| 
SP0050581: madiiyo ga.napo yaste manmuurti"sca bhavi.syati| 
SP0050582: sa praapya parama.m j~naana.m muu.dha tvaa vinayi.syati|| 
SP0050591: tasyeya.m phalani.spatti.h "sirasa"schedana.m tava| 
SP0050592: mayaiva kaaritaa tena nirv.rta"scaadhunaa bhava|| 
SP0050601: tasya caivotpathasthasya yaj~nasya tu mahaamate| 
SP0050602: "sira"schetsyatyasaaveva kasmi.m"scitkaara.naantare| 
SP0050603: stavenaanena tu.s.to .asmi ki.m dadaani ca te .anagha|| 
SP0050611: vaayuruvaaca| 
SP0050612: tata.h sa bhagavaanh.r.s.ta.h pra.namya "subhayaa giraa| 
SP0050613: uvaaca praa~njalirbhuutvaa lak.syaalak.sya.m tamii"svaram|| 
SP0050621: bhagavannaiva me du.hkha.m dar"sanaatte prabaadhate| 
SP0050622: icchaami "siraso hyasya dhaara.na.m sarvadaa tvayaa| 
SP0050623: nanu smareyametacca "sirasa"schedana.m vibho|| 
SP0050631: bhuuya"scaadharmakaaryebhyastvayaivecche nivaara.nam| 
SP0050632: tathaa ca k.rtyamuddi"sya pa"syeya.m tvaa yathaasukham|| 
SP0050641: vij~napti.m brahma.na.h "srutvaa provaaca bhuvane"svara.h| 
SP0050642: sa eva sutasa.mj~naste manmuurtirniilalohita.h| 
SP0050643: "sira"schetsyati yaj~nasya bibhartsyati "sira"sca te|| 
SP0050651: ityuktvaa devadeve"sastatraivaantaradhiiyata| 
SP0050652: gate tasminmahaadeve brahmaa lokapitaamaha.h| 
SP0050653: sayaj~na.h sahaveda"sca sva.m loka.m pratyapadyata|| 
SP0050661: vaayuruvaaca| 
SP0050662: ya ima.m "s.r.nuyaanmartyo guhya.m vedaarthasa.mmitam| 
SP0050663: sa dehabhedamaasaadya saayujya.m brahma.no vrajet|| 
SP0050671: ya"scema.m pa.thate nitya.m braahma.naanaa.m samiipata.h| 
SP0050672: sa sarvapaapanirmukto rudraloke mahiiyate|| 
SP0050681: naaputra"si.syayogibhya idamaakhyaanamai"svaram| 
SP0050682: aakhyeya.m naapi caaj~naaya na "sa.thaaya na maanine|| 
SP0050691: ida.m mahaddivyamadharma"saasana.m pa.thetsadaa braahma.navaidyasa.msadi| 
SP0050692: k.rtaavakaa"so bhavatiiha maanava.h "sariirabhede pravi"setpitaamaham|| 
SP0059999: iti skandapuraa.ne pa~ncamo .adhyaaya.h||